情人眼里出西施！洪卓立拍出Hillary最靓一面
歌手洪卓立自认爱“ViuTV女神”Hillary（刘沛蘅）后，就频频高调放闪，继日前网晒孖住为狗狗庆生嘅“一家三口”合照后，今次佢哋就各自喺社交网晒出菲林相，当中Hillary嘅一批靓相，不但由洪卓立亲自担任摄影师拍低“男友视角”，记录女友嘅姣好身段，2人仲喺海边甜蜜合照，Hillary更贴实男友，非常恩爱，Hillary留言：“期待了很久，终于把这筒菲林晒出来了！日落真的百看不厌，好美！”网民均大赞佢哋登对，仲话洪卓立眼中嘅Hillary特别靓。
