《金宵2》黄婉华涂黑皮肤演菲佣惹争议 曾志伟称唔存在歧视：係剧情需要
TVB剧《金宵大厦2》其中一个单元故事「姐姐」，因演员黄婉华涂黑皮肤饰演菲佣被指涉歧视，事件惹热议。
无綫总经理曾志伟今天（17日）出席《2022香港小姐竞选》「全球招募」记者会回应此事：「我觉得大家误会，以为饰演外籍人士，特登涂黑个身去扮佢，其实角色需要係菲律宾人士，后来佢变白，咁就难喇，你唔能够搵一个菲律宾人搽番白佢，所以只能搵个艺人搽黑咗先，然后后来变番白。正如我哋拍电影，如果我哋要做外星人，我唔能够搵个外星人嚟做，我哋要扮外星人，扮外星人唔算种族歧视外星人，所以呢个係剧情需要，唔係话因为嗰个外籍人士去扮佢而特登将佢搽黑或者乜嘢，其实係剧情里面演变，所以只能够择其一，一係黑变白，一係白变黑，所以唔存在种族歧视呢件事。」
