唐诗咏曾遇男友偷食 去拜神求对方爱自己
唐诗咏被誉为「最佳女友」，但感情路崎岖，入行多年，公开承认过三段恋情，包括初出道的余文乐、崔建邦和洪永城，但每次都传男方太花弗，令恋情告终。近日诗咏接受虾头和连诗雅主持的网上节目访问，大谈绝世好女友的标准，她自认是一位会撒娇的女友，但亦难防小三出现：「你做得几好，佢都会有小三㗎，要有就有㗎喇。」诗咏还分享自己对付第三者的经验：「讲真我咩方法都试过，带佢去拜神呀，我就求佢要好爱我囉。」
要更爱自己
即使成功击退小三，这段感情亦未必可以走到最后，因为最后选择仍在男人身上，诗咏说：「当一有小三嘅时候，你会跌入个窿度，你淨係谂小三快啲走啦，或者你返嚟我度啦，但係忘记咗最重要嗰样嘢，就係其实你咁样呢个状态呢，冇人会爱你囉。你只要生活得好好，或者你好开心，嗰个人係留定係走呢，佢会选择，唔係轮到你去避佢。」
两位主持虾头和连诗雅都觉得诗咏拥有温柔知性美，是最能吸引男士的类型，但诗咏就认为做女朋友还要具备妈妈的特质：「咩类型嘅男人都係一个小朋友，你需要好似一个妈妈咁去照顾佢嘅感受，你要呵护佢，其实我觉得係有啲攰嘅，但呢个係必需嘅，因为我发现如果你冇呢一样嘢呢，佢哋好多时候会觉得被忽略，但係如果你用咗啲tone唔啱呢，佢又会觉得你烦。」
