防疫措施放宽︱陶大宇等足3个月终找数 唱爆《倒转地球》
艺人陶大宇今日（21日）以“正能量大使”身份出席观塘apm商场活动，引来市民包围两层楼观赏，席间大宇除了与现场人士互动，又献唱《唱这歌》及被他翻唱到Hit爆的《倒转地球》炒热气氛，当大宇摆出其水拨招牌动作时，有小朋友也跟住做，非常可爱。
首次于香港公开场合演绎《倒》，大宇表示与之前在电视台演绎感觉不同：“原来戴住口罩唱歌系好辛苦，因为抖唔到气，所以要用力同大声，但平时做运动戴口罩又冇事喎！”更指是日活动原定1月举行，最终延至防疫措施放宽的今天，足足等了3个月才“找数”。
问到抗疫之日常？他说：“做运动同下厨（工作有冇打乱？）都有，依家逐步嚟，工作都系网上为主，之前同一队组合合作，喺MV度跳舞，搵咗麦秋成编舞，但都系我可以掌握到嘅舞步。（有冇其他活动要找数？）内地有5场表演等紧，但最快都要年中打后先返去，香港呢边就有套参演嘅网剧《女法医JD》就嚟播，都会协宣传。”
谈到防疫措施今日首阶段放宽，大宇透露有意约朋友食饭，也想带妈咪出街抖抖气：“佢都好耐冇出街，不过呢几日市面气氛变好，街上多咗好多人，又会塞车，所以都会出去想捧场，帮衬吓啲食肆，最紧要疫情快啲过去，大家可以恢复正常生活，咁就开心啦！”
