吕慧仪带大家走入录影厂 大爆熊家片场秘密
TVB处境剧《爱‧回家之开心速递》就睇得多，咁镜头外嘅熊家拍摄现场你又见过未？今次就由“熊若水”吕慧仪带队走入熊家片场参观吓。原来喺录影厂嘅熊家，唔似实体示范单位咁，而系一格格嘅布景嚟嘅，佢一入到去就好搞笑咁话:“其实熊家嘅后台喺可以喺露台度爬入去”，行多几步，打开门就见到熊家个客厅，由3幅布景版砌嘅熊家大厅，有梳化同茶几，见佢阿妹“熊心如”苏韵姿喺度执咕臣，佢一见到二家姐“熊若水”就挥手say hi话：“你好”，之后就见到佢阿爸“熊树根”刘丹，刘丹好识抢Fo，一开口就问：“边个呀？”知道个女拍片就打招呼，“熊若水”仲爆理熊家嘅伙食，唔系好似拍剧咁由“熊树根”亲手落厨，而系由另一个“隐藏大厨”哥哥负责嘅。
跟住佢又带大家睇吓佢同“废青安”周嘉洛间房，一如佢所讲个景唔系日日有搭，所以佢一打开房口，唔系“吉”嘅就系堆满杂物，但唔使失望住，因为佢阿爸“熊树根”嘅房已经搞掂晒，佢仲爆阿爸大镬话:“佢啲宝物都系收喺柜桶里面”，最后佢去埋厨房再打开个雪柜，你以为好似喺剧里面咁会塞满菜、鱼、生果咁啦，点知个答案系估你唔到，佢要讲个秘密畀大家听：“熊家嘅雪柜系乜都冇，只有几罐汽水”。果然片场真系梦工场，眼睇同现实真系好唔同。
