呷醋女友︱杨埕讲明唔锺意男友上网睇女
杨埕与谢高晋今日（28日）拍摄网剧，2人在剧中饰演情侣，大谈情侣之间的争拗，而谢高晋的师妹何天岚也有到场探班。杨埕表示如果男友经常留意其他女生的社交网，自己也会嬲嬲猪：“我会Check佢睇咩社交网，但都会一齐睇女，系用欣赏嘅角度，研究吓个女仔身材系真定假。（你有冇睇仔？）有，但好少，因为我锺意睇小动物同小朋友。”
至于谢高晋认为男女看法有所不同：“我都会上网睇女仔，我以审美角度去睇，因应唔同季节去睇。（即系会睇女仔着比坚尼嘅相？）都会。（喺女友面前会唔会收敛吓？）唔会，两个人相处要坦诚相对，畀自己最真一面对方睇，太多隐瞒关系会疏远。（但如果另一半唔想你上网睇女仔呢？）佢话唔锺意，我就尽量会避免，因为拍拖都系想另一半开心啫！”但他透露已有好几年未有拍拖，现时专注事业。身兼香港甲一篮球员的他称因疫情而停了比赛一段时间，现时球场开放，也要开始恢复操练。
另外，早前白云拾获一只走失的柴犬，最后交给杨埕照顾，网友指摘白云将狗据为己有，杨埕解释已联络到原主人，对方已将狗狗转让给她领养，而白云拾得狗只后也有报渔护署，当时只是交给杨埕暂托，做法完全合乎程序，杨埕又呼吁应该以领养代替购买宠物，情侣拍拖时合养宠物也要考虑清楚。
