声梦传奇2︱炎明熹帮公司赚大钱 曾志伟：参赛者视佢为偶像
TVB歌唱真人骚《声梦传奇2》今日（28日）举行记者会，安排了23位学员会见传媒，其中6位《声梦JUNIOR》学员以组合XiX名义参赛。TVB总经理（节目内容营运）曾志伟透露赛制跟上届大同小异，并会有8位导师协助，部分导师与第一届相同，而炎明熹与姚焯菲都会以师姐身份在节目中亮相。
问到为何安排《声梦JUNIOR》以组合出赛？志伟解释：“觉得佢哋适合组队，拆散佢哋唔系咁好，答应过畀佢哋一班人参赛，可能下届都会畀2至3个人一组参赛。佢哋虽然年纪细，但系好优异系大热门。（组合同单人对赛，怕唔怕引起争议？）睇吓之后点，有啲人觉得分薄咗，想畀啲唔同选择观众。（因为炎明熹同其他学员帮公司赚大钱，所以搞第二季？）唔关事，之前承诺咗搞，想栽培多啲新人，想继续搞落去，视乎今年成绩，但都有信心延续。（炎明熹等学员系咪帮公司赚唔少钱？）都OK，但佢哋都要读书，以学业为重。今届有好多参赛者视佢哋为偶像，所以嚟参赛。”
问到星梦娱乐集团有限公司最近为何改名为Tvb Music Group（TMG），他表示不知道因由。
