大肚钟嘉欣自爆曾遭欺凌 一笑置之心态战胜负能量
艺人锺嘉欣依家正佗第3胎BB，身处加拿大安胎，不过佢都Keep住拍片同大家分享生活，今次佢就大讲“职场欺凌”，仲想分享过往遇上嘅不如意人事，更自爆曾遭受过欺凌：“曾经遇过一啲人，令你难受、失去信心，甚至系有啲Bullying（欺凌）嘅感觉。以前唔识处理会好被影响，会系咁谂点样解决问题、反应、对抗呢个问题，等佢唔好再伤害我。”
好在最后佢都搵到一个最好嘅方法去对付欺凌者，就系“Do nothing（乜都唔好做）”，佢以自己做例子去解释：“好多嘢系解决唔到，遇到一个人唔锺意你、要挑剔你，系佢自己嘅问题，唔好揽上身，呢个系佢嘅故事。你花咁多心思，你去谂办法就系折磨自己，一定唔好咁傻。对方对你唔好、欺凌你，佢其实系好渴望得到你嘅回应，连佢自己都唔知自己咁想要，你畀咗反应佢，佢就会愈吸愈多，愈嚟愈搞你。”锺嘉欣仲亲身示范要对欺凌者“笑笑口”同唔畀反应，对方慢慢就会“冇瘾”，不过都提醒大家要继续对人好、尊重人。
锺嘉欣续分享指自己都学咗好耐，不过佢就讲到自己以前细个好唔成熟、好认真，睇嘢好执着同唔放过自己，但人生系属于自己嘅，跟随自己嘅心就会开心，切忌随波逐流，太用脑思考会增加负能量：“用脑处理系唔系带到你去好远，如果跟随个脑去谂嘢，我就会容易增加负能量，想同大自然一样咁安然生活，就要用心生活系最静态，千祈唔好心急。”
