身教好重要！刘倩婷将善心延续下一代
慧妍雅集以及一众艺人黎诺懿、陈山聪、张名雅、陈敏之等齐齐参与送暖行动，慧妍主席刘倩婷于疫情期间不时落区派发物资，近日她便跟邵珮诗和唐丽球到老人院舍派发有机纯米糊，她说：“呢段时间，各方都有压力及需求，尤其部分独居或行动不便嘅老人家，好需要大家帮忙；老人家咀嚼唔方便，捐赠米糊一来方便佢哋食，二来又有营养同饱肚，估唔到BB嘅食物原来都啱老人家。”
落区探访中，刘倩婷指遇上一位近90岁的老人家，令她留下深刻印象：“遇到一位好健谈嘅老人家，我哋全程企喺度倾偈倾咗半个钟，虽然对方年纪咁大，但佢好正面同积极，仲倒转向我哋发放正能量同关怀。”
第5波疫情严峻，刘倩婷与囡囡近两个月差不多每天安在家中抗疫，她谓：“除咗落区做慈善工作，几乎都冇出过街，亲子时间多咗好多，而我亦好好利用呢段时间去处理咗好多家事、修读金融课程，同埋准备慧妍雅集40周年慈善羽毛球大赛及大型筹款活动。”问到疫情过后，会否将善心延续下一代，带囡囡去做慈善工作？刘倩婷说：“绝对会，之前都有带佢去做慈善工作，等佢感受多啲，令佢知道社会有好多人需要帮助，依家我都有畀囡囡睇多啲新闻，等佢了解多啲社会嘅事。”
此外，陈山聪亦在社交平台呼吁今次送暖行动，虽然现时囝囝Jaco只有1岁多，但他已希望培养仔仔成为小义工，他说：“长者曾经是香港嘅栋梁，为香港建立咗好多嘢，我觉得我哋呢一代要回馈番畀长者；而我作为爸爸，我都希望将呢颗心感染到仔仔，将来疫情好转，我会带Jaco去行善，畀佢知道社会有好多人都有好多不足、其实佢好幸福，由细开始培养佢行善，我爹哋培养我，我希望可以培养佢。”
