郑裕玲自认木村拓哉「女友」 遭拍档笑情感「滥交」
由「日剧天王」木村拓哉主演的日剧《迈向未来的倒数10秒》，已在「黄Viu煲剧平台」上架。喜欢煲剧的郑裕玲（Do姐），昨日在其主持的电台节目《口水多过浪花》侃侃而谈《迈向》。Do姐在节目内自认「女友」，又坦言与木村「情定」于1996年，还激讚剧中女角表现突出。
资深日剧狂迷Do姐自揭早已锺情日剧：「前几日讲完我嘅韩国第一个男朋友孔刘，今（昨）日就想讲木村…」岂料拍档却笑指Do姐见一个爱一个、情感「滥交」，Do姐闻言反击：「滥交得过你？你个渣男！」全场爆笑。
Do姐笑言早于木村出道初期，已被「万人迷」迷倒：「我要讲嘅係我嘅日本男朋友木村拓哉，我由1996年睇《悠长假期》开始，已经被深深地吸引！」
提到木村从影以来首度饰演拳击手，Do姐认为他勇于挑战，给予极高评价：「我上网摷过，佢做过廿几份职业、乜都做过，今次佢做拳手，但係演一个落魄拳手，我睇嘅时候好开心，觉得木村係好努力演员，佢拍咗剧30年，一直都有剧集推出，同埋每次都搏到尽，依家佢都步入中年，今年49岁，两个女都咁大喇，但係仍然希望有新嘢带畀观众。」
同时Do姐大讚该剧阵容华丽，尤其女角阵容更是她的心水：「我睇咗好多年日剧，今次呢套剧嘅卡士非常华丽！女主角係满岛光，係我好锺意嘅女演员，佢同木村做戏，好有自己一套；同埋我锺意内田有纪，因为佢男朋友係柏原崇，佢以前同中山美穗拍《情书》，之后好多年无拍戏，后来同内田有纪拍拖，依家做咗佢经理人添，我真係好八卦！」
Do姐又指尊尼事务所旗下男团「King & Prince」高桥海人、山田杏奈，以及主演级人马波瑠和安田显有份参演，为剧集生色不少：「好多代嘅演员都喺度，好多大粒（巨星），好多memory！」节目客席主持余德丞（Dickson）欣赏剧情融入民生话题：「剧中木村间串烧店因为疫情结业，我觉得剧集加入疫情（元素），变得好贴地，会更有感受！」
