身体真系出事！李佳芯辞演《灵戏逼人》有原因
视后李佳芯（Ali）早前被东网踢爆，本被安排于下月开拍TVB灵异剧《灵戏逼人》扮演女鬼与张振朗谱人鬼恋，不过忙于录影清谈节目嘅佢，最终以健康理由辞演。日前接受无綫娱乐台访问，佢终于亲自解释辞演原因：“始终之前都有前科喇身体，每一次开完一套剧，都畀自己好大压力，系真嘅。所以无论情绪、状态、身体都好容易有毛病。”
不过Ali都坦言好想演女鬼：“好得意，初初我听到做女鬼，都觉得‘咦？真系未做过女鬼！’之前做完机械人，如果有啲另类啲嘅角色都会想试。”
可惜Ali无法接拍，因为身体已经响起警钟，公司亦理解佢苦衷：“随时影响身体、影响拍摄、进度，好难要人哋吓吓就到你。所以都同公司倾过，惊我负担唔到。我一直有睇中医休养身体，中医建议我尽量唔好挨夜。我都有做针灸，但都系无法弥补直踩拍剧对身体带嚟嘅伤害。有啲剧组就真系要24小时直踩两、三个月，咁吃力嘅时候，我担心我身体负担唔到，我想平衡啲啰！”
