日日妈妈声｜孙慧雪爆老公凑仔离谱事 甄采浠一日打3份工还父债
由余安安、罗敏庄、陈凯琳主持的《日日妈妈声》第二辑，昨晚（24日）播出第5集，请来孙慧雪（雪雪）、洪永城及甄采浠（前名甄咏珊）担任嘉宾。
育有一子的靓妈雪雪透露，与老公凑仔方式大不同。她指老公是放任型爸爸，会觉得她太紧张小朋友，雪雪表示：“佢觉得男仔要man啲，出街唔好拖住，会搞到好似裙脚仔咁。”
雪雪更大爆老公离谱凑仔事件，她说：“老公带囝囝去主题乐园玩，佢返到嚟好冇嘢咁话，头先唔见咗个仔，我听到就好担心啦，点知佢话‘男仔嚟㗎嘛，佢识自己返嚟搵我啦，依家咪喺度囉’！”
身为紧张型妈妈的雪雪则自爆乌龙事件，事缘囝囝2岁时曾试过当着她面前，将2元硬币扮放入口，当时以为囝囝鲠亲的雪雪，吓到六神无主，她说：“我反应好大，吓亲佢，见到佢想喊，我更加觉得係鲠亲，之后将佢成个倒转係咁扫，谂住帮佢扫番出嚟，搞到佢块面都变埋色，最后要call白车，佢上到车先识喊，佢以为妈妈傻咗！”
另一嘉宾甄采浠则与妈妈一起上节目。甄采浠透露爸爸因金融风暴导致破产，故她16岁时已开始工作帮忙还债，更试过一日打3份工。甄妈妈大讚女儿孝顺：“佢帮手照顾家庭好生性，我身边朋友都讚佢，有一次佢卖鞋，老闆唔出粮畀佢，我啲朋友帮佢讨回公道攞番啲钱，嗰时我都有匿埋喊。”
提到甄采浠曾为性感组合Freeze成员，她坦言当时是为了生计：“旧老闆好好，会畀月薪我哋，起码唔使担心交租，啲新闻好唔好唔重要，最紧要可以生活。”
