樊亦敏唔介意被定型演师奶 自封“武器鬼见愁”吓亲陈嘉辉
在《爱‧回家之开心速递》演“三太”一角而备受讚赏的樊亦敏（Amy），早前接受无綫娱乐新闻台节目《星光路上》专访，与主持潘盈慧畅谈30多年演艺路，并分享健康问题及爱情观等。
Amy以幽默风趣开场白自我介绍，笑指自己有“三太”特质：“我讲嘢好快，个脑谂嘢唔係好正常，所以做到‘三太’。我会突然间好肥，突然间又会瘦番，係古灵精怪嘅人。”
虽然易肥易瘦，但Amy并未感到困扰：“肥有肥靓，瘦有瘦靓，有自信就得。”她表示去年决心减肥，是为健康着想。虽自称不正常，但Amy访谈其间大方坦白兼风趣幽默，谈到当年参选港姐时，大热倒灶三甲不入，Amy亦有独特看法，丝毫未受打击：“我觉得自己靓咪得囉，你畀唔畀（三甲）我，我都係靓㗎，我开心咪得。”
Amy被定型演师奶亦毫不介意：“我冇乜感觉，我唔係偶像派，我真係演员就要演唔同嘅角色。就算演师奶，角色上一定有啲嘢好玩嘅，因为呢个世界有好多唔同类型嘅女士。唔好睇小师奶，我觉得师奶好可爱，That’s why I love师奶！师奶好难做，要精明、要温柔、要深思熟虑。”不过爱挑战的Amy，还是希望往后角色能更多元：“我好想做潘金莲，我有问过陈维冠（无线监制），话我可以做唔搞笑都得㗎，做名妓得唔得呢？”
Amy又自爆是“武器鬼见愁”，只要手上拿着可以“掟”的东西，对手便会遭殃，她说：“有场戏讲我斩陈嘉辉，我一拎住把刀，大家就好惊，叫我‘嗱！阿樊，你镇定啲，数1、2、3，你见到佢退后先好斩落去。’点知1、2、3我已经斩咗落去，吓到陈嘉辉死，因为争啲斩到佢呢度（指住下半身重要部位），全场呆咗。”
Amy初出道时因为过敏症及免疫系统等问题，以致身体多处出现问题，甚至严重脱髮；当时被力捧拍剧的Amy，由于头皮有三分二面积没有头髮，一度要戴假髮出镜，这也造成Amy极大困扰，“最初我用仅有嘅头髮去遮啲窿窿，但一大风吹起就见到晒，所以要戴假髮。咁我就会成日谂住自己个假髮有冇穿崩。后来我将情况同公司讲，公司都好明白，就叫我唞吓主力做主持”。
年纪轻轻便承受严重打击，Amy坦言当时不能接受，故未有将自己的情况告诉太多人，因而引起不少误会：“其他同事会谂点解我唔使出外景，点解综艺搵我去玩我唔去。好多人觉得我好寸，係咁推嘢做，又唔答人嘢。我当时只係廿零岁，好多嘢唔识面对，只係想快啲好番。”
