Super Tiger大换血 罗天宇邹兆霆忽然退团
TVB艺人罗天宇、丘梓谦、许俊豪等人组成10人男团Super Tiger，喺去年大年初一正式出道，点知去到前日（24日）佢哋就现身筹款节目记招，宣布将会同袁伟豪载歌载舞。不过有眼利网民就发现，当初公布嘅“C位”罗天宇、邹兆霆、曾展望、林俊其﹑魏柏豪﹑李绍坚唔见人，10人团变7人团，原来该几位已退团。
除旧有成员许俊豪（Lincoln）、“葱头”丘梓谦、应届艺员训练班学员宋懿芳、刘展霆之外，Super Tiger新成员就加入前天堂鸟队长叶泓声（Gordon）、《爱．回家之开心速递》“言少”林子超、邵展鹏。
Super Tiger喺农历新年出道后，TVB曾安排众人接受《TVB娱乐新闻台》同《东张西望》访问，壮志雄心嘅众人仲高呼“唔系唔畀机会我哋呀嘛？”搞到观众都好期待，对于今次换走过半成员，退团原因系咩呢？
