郭羡妮拍床戏唔使备案 刘心悠处女揸枪眼都唔眨
ViuTV新剧《冥冥之中》今日(26日)举行记者会，剧中多位演员包括刘心悠、郭羡妮、栢天男、潘灿良、苏志威和吴启洋等出席宣传，剧中刘心悠饰演郭羡妮的新抱仔，2人原来是首次合作拍剧，但不需要热身，一埋位就好自然入戏，甚有默契。
郭羡妮表示有看过心悠主演的《宫心计2之深宫计》，感觉是次合作好有新鲜感。心悠就透露开工第一日与郭羡妮做戏好紧张，她说：“因为剧中角色有好多复杂情绪，对住佢不停流眼泪，所以好紧张，好惊甩对白。”郭羡妮讲笑说：“第一日戏啫！流眼泪唔系因为对住我。”
提到郭羡妮与潘灿良剧中有场床戏，有锡嘴和肢体接触，不过她笑称：“唔需要指导，我接受，唔系咁严重嘅，（事前同老公备案？）唔需要，我同潘灿良戏里面感情好深，好爱，真系要做出来睇。”
心悠表示最难忘人生第一次开真枪，导演要求她开枪唔眨眼，对她是一大挑战，她说：“事先有专家教我，但因为枪声好大，后座力又好大，拍咗2、3次先收货，我谂导演觉得我冇得再好啲，（最后拍到开枪唔眨眼？）我未睇到，应该系剪得好好，（开枪戏难过拍床戏？）系，因为要唔眨眼。”
对于有指TVB变阵以《十八年后的终极告白2.0》撼《冥冥之中》，心悠觉得是刺激市场，观众有多啲选择是好事；郭羡妮认为演员冇法决定何时播映，接到角色只会尽力去演，她说：“不过觉得大家会愈做愈好，愈刺激大家做出更多好作品，其实系好事。（近来多平行时空戏种，会唔会担心收视？）唔谂咁多啦！”
