波波激变眼镜娘 叫男士留意佢身上嘅光
“TVB性女”黄婧灵（波波）近日以眼镜造型示人，她接受东网访问时，表示因自从3年前遗失眼镜，加上贪靓，故一直戴隐形眼镜，惟近日发现双眼开始乾涸，所以的起心肝配眼镜：“谂住尽量都唔戴隐形眼镜，但系又睇唔到嘢，最后3年后我嘅拖延症先至肯配番，但发现配完之后，近视少咗25度，好开心，我进化咗变咗新人类。”
重新戴上眼镜的她，笑指“前路”一片光明，问到是否想识男仔时睇得更清楚？波波笑说：“我边识系男人，读不懂，就算戴100副眼镜都睇唔透。（但网友睇你张身形澎湃相有另类感觉！）张相都好多元素，除咗件衫之外，‘灯’光都好紧要，戴咗眼镜都要光线充足先至可以睇得透，所以大家可以留意下我啲‘光’。”
即将完成节目《无人性教育》拍摄的她，表示整装待发迎接新工作：“希望之后嘅工作同我个名（波波）一样够多元化，但重点都要睇公司嘅。”
