张天赋洪嘉豪9月九展开骚
MC睇旧片超感触：大舞台係Fans砌畀我 | 香港01
“赋豪CP”MC张天赋以及洪嘉豪（Kaho）今日（11/6）现身中环海滨活动空间举行音乐会，全场座无虚席气氛高涨。Kaho自弹自唱新歌《24/7 恋人》、《活人镖靶》和《逆时车站》，而MC则一口气唱出《反对无效》、《时候不早》、《记忆棉》以及Gareth. T的《Boyfriend Material》四首歌曲。席间，他们更为乐迷带来惊喜消息，宣布将于9月头举行两场的Star Hall演唱会，令一众粉丝非常兴奋。
Kaho和MC接受《香港01》访问时坦言“唔够喉”，Kaho说：“啱啱个人焫㷫咗就要走，如果再有户外骚畀我哋做嘅时候，希望可以畀我同MC各自包办九个字，咁就好玩。”MC表示今晚演出顺利和开心：“下昼都仲落雨，好开心而家冇落雨，都唔算好热，所以係开心。（紧张到手震？）紧张呀，好耐都冇户外骚，係好多现场观众嘅一次，不免有少少紧张，担心自己performance。”
提到9月的演唱会，MC激动提醒大家：“9月头，MC张天赋、洪嘉豪，Star Hall，两场，约定你！”问到准备什麽惊喜给粉丝，MC透露：“Kaho提议整T字形舞台，听闻你想着埋T-back。（Kaho：我着入面，冇所谓，冇人知，你係着出面。）”Kaho续指会为演唱会录制合唱歌，两位更以“非常好听”、“惊为天人”来形容，MC笑言：“好想讲更加多，但係唔讲得住。”至于快歌还是慢歌，两位会否跳舞，他们统一以“可能会”回答，仅表示：“可能或者8月出。”
Kaho的新碟《Learning Curve》首日发售便出现缺货情况，他答谢粉丝的支持：“Fans可能等咗隻碟好耐，隻碟嘅意义唔在于买隻CD听，而係同大家收藏咗一段回忆，可能曾经呢段时间，佢嚟过我活动，佢会记得，收藏大家记忆喺呢隻碟。”
活动中，MC提到准备今日音乐会时，在YouTube无意中听到三年前在餐厅唱歌的片段，他感触说：“我睇条片係2019年生日，嗰时个台好细，就谂点解今日可以上到咁大舞台？其实全部都係fans畀我，有呢个舞台係佢哋砌畀我。”
