明报OL：简淑儿被麦大力上天下海追求感动 两人拍拖逾1年曾闹大交
刚离开无綫的简淑儿（Jessica）早前接受林柏希网上节目《月倾会》访问时，表示入行10年决定离开Comfort Zone（舒适圈），看看自己能否有更多进步。Jessica回忆初入行曾被同事指她冇名衔、冇读过艺训班及演艺，亦冇后台。
问她自觉凭什麽在这行发展。Jessica哽咽地说︰“我好想可以同佢讲，我凭咩呢？就係凭我真係好锺意呢一行，同埋我真係唔肯放弃囉！好想话畀大家听，如果你真係好锺意嘅话，你就去做。”
Jessica否认出身富贵︰“我真係唔係好有钱，屋企人就算搵几多都好，都同你冇乜关连，因为你都要有你自己嘅生活，冇理由一世靠屋企。”她回忆当年在美国读书被欺凌，曾被人剪头髮及推落楼梯，性格自此变得内向，家人想她参选港姐增广见闻，但没想过她会一直留在娱乐圈工作。
除了有钱女传闻，Jessica多年来也被整容传言缠身，她没好气地说︰“由我一入行到依家，选完港姐出嚟就已经咁讲。我已经答过无数咁多次，唔想再答喇！如果要继续讲，我当然控制唔到，但係我选择唔会再答呢个问题。”
与男友麦大力拍拖超过1年，Jessica回忆当日跟他发展时，他上天下海乜都做齐。她说︰“我问佢有冇兴趣去行山，因为我係夜晚去行，跟住就去潜水，仲有一次就係我去捐血！行山嗰次，佢本身谂住女仔行山都係行下啫，但係嗰次我哋攞埋绳去爬，跟住佢就刮损咗！佢话如果佢上山下海都追唔到呢个女仔，都唔知仲有乜可以做，我听完都觉得有少少感动。”
Jessica透露两人拍拖以来也曾吵架，最激烈一次是她的手机没讯号，麦大力找不到她，两人接着吵起来。Jessica说︰“因为佢担心，但我嘅性格就觉得，我都唔知你打畀我，唔关我事㗎！”Jessica与麦大力均没对方的电脑、手机密码，因此不存在互Check的情况。她说︰“我从来都冇睇过佢电话，唔好话Check，就算佢玩紧电话，我连望都冇望！”
