明报OL：日日妈妈声｜车婉婉被囝囝童言冧爆 周志康被抛窒5年冇“曳曳”
由余安安、罗敏庄、陈凯琳主持的《日日妈妈声》第2辑，昨晚（10日）播出最后一集，请来汤盈盈、车婉婉、周家蔚、森美、周志康及张达伦担任嘉宾。
汤盈盈、车婉婉、周家蔚齐齐分享育儿经历，车婉婉透露囝囝BBQ出生后不久，发现他患有先天性心脏病，当时她被吓得爆喊，幸好BBQ最后“食得瞓得”兼不用做心脏手术，令婉婉十分感恩。
婉婉又分享BBQ的窝心事谓：“佢话唔想我老，唔想我去天父爸爸嗰度，但我话天父爸爸嗰度个个都要去，佢就话：‘咁好啦，我同你一齐去。’真係好纯真同Sweet。”
周家蔚则分享最尴尬时刻，她笑言细仔黐身和喜欢身体接触：“我有时出街会穿裙，细仔就伸手入去係咁摸大髀，成日都同佢讲话唔可以，但佢嗰一刻就係控制唔到。”至于汤盈盈分享最感动时刻，她透露每晚睡觉时都很感动：“我同细女一齐瞓，佢当我係佢嘅熊公仔，每晚都会揽住我瞓同埋係咁扫我，仲会同我讲：‘Will you be with me forever？’我讲完都觉得毛管戙！”
在“妈妈围城”环节中，森美、周志康和张达伦则接受刁鑽情境题考验。其中问到“老婆有咗BB，老公想曳曳”时最为爆笑，育有两女的周志康笑言，会以美男计和按摩来引诱太太，森美闻言即说：“你过去呢5年都冇做过啦，最近一次係几时吖？”惨被抛窒的周志康，害羞到面红兼口窒窒。机智的森美则指会以“对BB好”为由逗太太，他笑言：“听过一个传闻话，喺适当嘅时候行房，可以笃个酒窝出嚟！”引得全场大笑，周志康再笑说：“咁会唔会太多酒窝？”
节目尾声轮到余安安、罗敏庄和陈凯琳感谢她们的“最强守护者”。余安安“最强守护者”是已去世的妈妈，余安安指从同为单亲妈妈的母亲身上，学会要“排除万难照顾下一代”。
谈到最遗憾的事，余安安说：“妈妈离开时，我喺内地做紧舞台剧送唔到佢最后一程，嗰时要好辛苦咁抑压情绪，因为唔想影响团队，所以冇讲畀任何人听。当完咗最后一场骚，我即时衝咗出去踎低爆喊。”
罗敏庄则与老公陈国邦一同亮相，两人又拖又揽晒恩爱，自认比较粗心的罗敏庄感激老公照顾：“佢比较细心，有时啲问题我淨係睇到表面，但佢就好似剥洋葱咁，一层一层揭开讲你听，虽然有时有啲烦，但其实係啱嘅。”陈凯琳则透过视像与妈妈Connie隔空对话，并感谢妈妈多年来无微不至的照顾，场面温馨。
