金像奖2022| 林家栋与《手捲烟》团队行红地毡 回应伤势︰好小事
第40届香港电影金像奖于今日（17日）隆重举行，众星盛装亮相，场面星光熠熠。
早几日林家栋因拍摄电影《潜行》时，不慎因地面不平而绊倒，有传当时全身不能动弹，即刻送往医院治疗，令大众担忧。不过今日，家栋与《手捲烟》主创亮相红地毡，问及伤势，他打趣道：“因为我啱啱戒咗手捲烟，所以我可以出席呢个金像奖颁奖典礼。”
家栋续指道：“其实之前好小事，只不过我自己又唔小心，咁但係我都要喺呢度趁呢个机会多谢啲医护，即係佢哋啲药好重手，咁我就可以好快咁康复，行返出嚟。”
今次家栋凭主演的《手捲烟》、《智齿》入围最佳男主角，以及《杀出个黄昏》提名最佳编剧等，谈及可有预备谢辞稿，会不会很头痛时，他坦言：“其实我自己都冇刻意去谂一个咩稿，因为好睇现场自己个感觉係乜嘢，咁同埋好多时好多画面出返嚟嘅，我而家讲返《手捲烟》，边一场、边句点点点，我都仲记得，又或者另外嗰两部我都搵得出嚟，因为自己真係投入过，咁变咗如果真係咁好彩，有机会能够上到台嘅时候，到时就好似嘭嘭嘭弹出嚟，随心而发。”
