星岛网：独家丨高海宁得发哥鼓励学识放开 无数次想退出娱乐圈
35岁高海宁（高Ling）在《童时爱上你》饰演因失忆变成只得8岁记忆的女强人“Amanda”，演绎时好玩又有难度，不过跟TVB倾续约条件都讲求有代表作的她，完全享受当中过程。受童年经历影响的高Ling，坦承好容易受外界影响，原来曾经无数次想过退出娱乐圈，幸得发哥等前辈鼓励学识放开。
採访：杜杜 摄影：朱伟彦 髮型：Zap Tang @Toni & Guy 化妆：@stephenmakeup 场地：Odea@1881 heritage
在《童》剧中高Ling觉得最困难并非扮8岁小朋友“彤彤”，而是“彤彤”扮大人“Amanda” 的阶段性进步，“因为会跳拍，所以最难係点样拿捏，佢叻咗几多嗰啲程度。”今次演“彤彤”，亦令她回忆起自己童年，因在婆婆家长大，父母不在身边，令她性格变得内敛及缺乏安全感，“我唔可以话係缺憾，但导致我性格比较敏感，对自己要求好高，觉得做好啲先会得到人哋锺意，所以入行初期会畀自己好大压力，好容易唔开心。”
重视生活平衡
在娱乐圈难免活在别人目光下，这种无形极大令高Ling想过无数次退出，“几努力大家都唔係好接受我，呢样嘢係令我好大打击，就算我进步紧，大家点解仲係将焦点放喺我身材度，我唔係淨係得呢一面，我唔介意你欣赏我身材好，但係同时间可以接纳埋其他方面。”
高Ling在30岁后经验多了，亦听过好多前辈教路，特别在电影《赌城风云II》合作过的发哥一夕话，终于能够释怀，“佢同我上嘅第一课，就係话我太紧张，对自己要求好高，好多嘢揸得好实，你隻手揸得咁实入面係冇嘢，要打开手先可以拥有全世界，原来佢第一日见我，已发现我有呢个问题，所以我有时啲位好执着时，会提自己要放开。”
跟发哥跑步的日子，亦令高Ling学懂生活平衡的重要，“佢係好识得工作同生活平衡，同埋大家咪好兴post嘢分享，佢就话好多时可以退后少少，将生活留返畀自己，唔使吓吓都分享出去。”
