明报OL：郑裕玲评MIRROR红馆骚表现 讚12子信心满满已成Star
郑裕玲（Do姐）继去年5月在九展欣赏MIRROR演唱会后，昨晚（25日）她亲临红馆欣赏MIRROR首场红馆骚，并坐在ERROR队长梁业（肥仔）隔篱。
Do姐今天（26日）在电台节目《口水多过浪花》，分享骚后感受，她表示很久没去红馆睇演唱会，讚气氛一流：“四面台，好多灯牌，係满晒呀，就算以前睇演唱会都冇咁劲，呢个好劲，粉丝係度嗌，我坐喺ERROR肥仔隔篱，我问佢有冇睇綵排，佢话睇咗啲，亦有份帮手编舞。开场时好劲﹑好有型，佢哋吊威也从天而降，现场嗌到爆晒，目不暇给。”
Do姐又讚柳应廷（Jer）唱得好好，进步了很多，同时亦喜欢李骏杰（Jeremy）演出，她说：“佢（Jeremy）係处女座，要求完美，佢唱得好好，佢呢个形象，喺香港冇呀，大家唔好再当中性或妖係唔好，佢形象鲜明，好睇。”其间Do姐笑言身旁的肥仔充当了她的“顾问”，为她讲解演唱会流程。
Do姐又分享其中一个细节位：“有个位好得意，太多灯牌，当时姜涛出嚟，原意係暗暗地，Dark Dark哋，但周围（灯牌）光到见唔到支Spotlight，好得意，但完全唔觉（有Spotlight），肥仔话畀我听先知，但太光睇唔到。”Do姐讚Anson Lo（卢瀚霆）大隻，二头肌劲养眼，又指吕爵安（Edan）劲有观众缘，表现得体；Alton（王智德）﹑AK（江𤒹生）和Lokman（杨乐文）歌舞环节同样精彩；
陈瑞辉（Frankie）剖白心声环节，Do姐则说：“呢个安排好好，自古有Boy Band一定有啲人会出啲，会留意多啲，一定有人摆得后啲，Frankie係后少少嘅，但佢heart warming，佢都讲到眼湿湿，疫情冇工开，好怀疑自己，佢将自己心声讲出嚟….支持一个组合，人人都要咁爱，大家都要鼓励。”Do姐又讚MIRROR好多成员懂玩乐器，又表示自己睇骚会郁身郁势，笑言最怕坐在“石像”隔篱。
她又说过往捧场会到后台打招呼探班，但碍于疫情今次并没到后台：“如果病咁点算？后台呢几十人就啱喇。”
Do姐续说：“睇住佢哋（MIRROR）选出嚟，当时未知仲係咪MIRROR成员，嗰时佢哋好忐忑，未知前途係点，我好开心自己目睹呢件事，就係呢10几个男仔，由唔知自己係点，到去年5月开始成形﹑开始有信心，喺Star Hall表演，到噚晚已经充满信心，佢哋已经变为Star，呢个转变我有机会目睹，好开心，希望佢哋愈做愈好，嚟紧仲有10几场，希望多啲人睇。”
