香港01：朱千雪开出三大复出拍剧条件 陈豪争住向高层反映
陈豪（阿Mo）和朱千雪（Tracy）今日（13/8）以嘉宾身份现身尖沙咀出席医学品牌开幕礼。
讲到护肤，阿Mo笑指自己是大懒虫，对保养皮肤毫无心得，而且经常令到爱妻陈茵媺甚为不满：「渠会有微言㗎，因为渠成日叫我要勤力啲护肤，但我又懒冇做，渠系好炆憎话我，话要有好慨皮肤系需要努力去维持。所以而家佢话敷咩咪咩啰。（抗唔抗拒自己会变老？）其实我唔抗拒。因为我哋要做返自己嗰个年纪需要做慨事，但咁有时我都可以年青化慨，我绝对接受，因为呢样系自然美。」
Tracy接着笑说：「其实自己都开始年纪大，始终唔同二十几岁慨时候咁好状态，咁所以喺护肤方面会着紧啲。（系咪为咗Keep住靓所以唔拍戏？）哈哈，其实真系唔系，我系肯拍剧慨，只不过系拍剧慨时间长，加上有家庭同工作，所以兼顾唔到，但如果有套剧慨时间许可，其实我都好乐意返去拍吓剧。（点为之时间许可？）最好就一至五放咗工时间后啦，又或者六同日咁，但就最好唔使开通宵啦。」
身边阿Mo笑得合不拢嘴说：「我会将会呢个建议同高层反映吓，睇吓有冇呢个机会。」Tracy就话：「咁到时套剧预埋我，哈哈！」
