星岛网：李亚男难忍老公为闺密冷落自己 王祖蓝狂冧老婆：娶咗你每一日都好幸福
由王祖蓝主持的综艺节目《有个闺密叫祖蓝》 昨（1 日）晚播出最后一集，今次嘉宾是祖蓝太太李亚男（Leanne）。最后一集「蓝男CP」终极晒冷玩匀所有闺密任务，其间祖蓝自爆大女儿Gabby 于三岁时已有一米身高，而当二人被要求互数「嬲猪」事件，祖蓝除惊爆Leanne 最近「驳嘴」成就解锁、让他险些招架不住外，又大爆老婆珍而重之藏在夹万的东西，竟是美容Coupon 及女儿们的疫苗针卡。
祖蓝曾因与闺密煲电话粥而激嬲李亚男的「嬲猪」，在节目上向王祖蓝说：「你成日都半夜同啲闺密倾偈（电话），但因为不嬲（临瞓前） 都系例牌你问吓我啲感受先，嗰日我咁啱有感受，你就接咗其他闺密慨电话、安抚人哋慨感受，我知人哋喺度喊你系要听，但嗰晚我唔系好忿气，因为我都有情绪，我都想Blah Blah Blah 讲，但畀佢霸咗。」李亚男更大爆祖蓝事后完全不知道自己生闷气：「渠以为我瞓着咗。」祖蓝得悉真相后劲自责，并以过来人身份提醒天下男人：「同其他人讲电话要留意另一半系咪介意，同埋当时个心情系点。」
当年李亚男曾忍痛与祖蓝分手并飞返加拿大，但最终因按捺不住对祖蓝的思念，抛下一切飞返香港，令祖蓝大为感动：「嗰时身边啲人担心渠学坏，又惊我呃渠，本来渠谂住放低演艺事业返加拿大读书，嗰时我都话：『我哋唔好一齐喇，勉强冇幸福，无谓令大家同身边啲人咁痛苦。』结果渠最后竟然自己一个人飞返嚟香港，同番我一齐。」Leanne 事后补充谓：「嗰时有谂过返去加拿大读书就唔再返香港，但自己个心一路好想返香港，一路好挂住我男友，就扚起心肝写咗封信畀我屋企人，话我一定要返香港去搵我慨幸福。」
结果这段最终开花结果，两人在2015 年2 月14日拉埋天窗，制作组播放二人当日结婚片段，还要求祖蓝重现当年「爱的宣言」，祖蓝发表新一轮爱妻宣言：「我以前好容易好火爆，依家畀你感染到我冇晒火。我当初写《跌》， 『是你的声音在诉说幸运，我盼搏你欢心』，系我心声嚟。无论娶你有几辛苦都好，我知道娶到你一生都会幸福，真系喎，依家娶咗你真系每一日都觉得好幸福。 嗰时点会谂会生第一个女、第二个女，我哋系不停咁写紧恋爱历史，年年都好幸福，所以好多谢你。」Leanne 听完后冧爆回道：「多谢你畀我成为你人生慨女主角。」
同晚于myTV SUPER 播放的加长版中，两人还大爆「处女党」不为人知搞笑事。事缘其中一项闺密任务是「讲是非」，为了完成任务，最终祖蓝不开名爆料， 矛头直指处女党其中一名「眼大大」及为人西化的成员：「我有样嘢好佩服渠，每次我老婆出去同渠倾偈，其实我老婆都冇讲过嘢。假如渠哋夜晚七、八点开始分享，可以分享到凌晨三点，中间可能十二点我老婆话不如返屋企先，渠就会： 『其实我仲有好多嘢可以讲』 。到讲到（半夜）三点喇，渠就会问我老婆： 『系喎，Leanne，你近排点呀？你有冇咩唔开心？』仲可以点啫？眼瞓咯！」
