李佳芯否認係「圈中小富婆」 首次收首期計劃做業主：差唔多時機 | 香港01
李佳芯（Ali）现身地产商宣传活动，更获客户送赠20万的首期，Ali开心表示：「一直认为首期要好辛苦储，从来冇谂过有人送。」活动后，Ali接受《香港01》访问时说是第一次收到别人送赠的首期，她亦有计划做业主：「一直都想实行慨事，之前会谂香港，因为个base喺香港，而家都系香港为主，始终事业同屋企都喺香港。近呢两年多咗考虑海外，觉得冇冲突慨，只要afford得到，我主要用嚟投资，有投资价值，有回报时，就可以多方面分散投资。」
活动间，主持称呼Ali为「圈中小富婆」，她谦虚否认：「唔可以讲投资小富婆，因为我都系好保守稳健，因为我觉得搵钱好辛苦。以前慨我会储埋好多钱，如果有个罐我会摆床下底啲人嚟慨。但而家通胀，就发觉一定要投资，都会用一啲保守，回报好稳阵慨投资，所以买楼一直系我首选。」Ali表示暂未有物业在手：「但我觉得差唔多系时机。」
Ali早前自编自导自演的慈善短片《伴》获得不少网民的赞赏，她说影片对自己来说很有意义，过程中亦学了很多：「当初冇谂过咁多岗位喺身，都系无心插柳，我觉得学咗好多嘢，我都想做更加多…由倾到拍，再到出街都一年时间，始终唔系商业，唔会要赶出街，慢慢做，适逢9月系脑退化月，就不如一次过出街啦。」
谈到工作动向，Ali透露有可能1月会拍剧：「好初步倾，未有实质详情。」郑裕玲（Do姐）日前宣布离开效力多年的TVB并会作新发展，问到Ali会否想迎接新挑战，她表示
：「每个艺人都会希望畀少少新鲜感，新慨冲击自己去refresh一下，我谂呢个都系普遍想做慨嘢嚟。」她透露现时想挑战舞台剧和电影：「都系少接触同未接触过慨范畴，都会想知道，相信系另一个世界同另一样嘢嚟。」
