明报OL：林敏骢吁保育广东歌︰希望新一代畀机会我哋介绍嗰时咁好慨嘢
林敏骢日前接受无线娱乐新闻台《Star Talk》访问，宣传下月举行的《苏格兰场今天星闪闪林敏骢暨车总脑交战时日如飞40周年成人礼作品展演唱会之Part 2更精彩》。演唱会名字愈来愈长，他笑言入行40年，每年一行字的话，演唱会名其实不算长。阿骢说︰「要承袭上一次演唱会个名系好长，Keep番个Style﹗本来个名仲长，80几个字。上次个名本来Grand啲，但有人话不如整个名长啲，话我讲嘢咁鬼长气，结果出到嚟几得意呀，变成Signature﹗」
演唱会名当中包含了张国荣《无心睡眠》、梅艳芳《梦伴》及陈百强《深爱着你》这3位已故歌手的经典金曲，阿骢坦言︰「呢3首歌系我慨最爱，尤其渠哋唔喺度，真系好多珍贵慨回忆。」
演唱会选址户外举行，阿骢希望带出节日及派对气氛。他感叹广东歌需要保育︰「我哋嗰代或者上咗年纪慨，呢堆歌你一听番就自然有无限感受。广东歌好需要保育，嗰啲歌距离我哋时间愈嚟愈远，好难避免会渐渐fade out，希望新一代畀机会我哋去介绍番嗰阵时曾经有过咁好慨嘢，因为渠哋未必知道。」
阿骢目前除拣选新生代歌手献唱自己作品外，也在努力邀请原唱者现身。谈到曾献唱其作品《梵音》、《再会》及《午夜狂奔》的关淑怡，阿骢说︰「搵紧渠，完全唔知边度搵佢，但渠失惊无神又会栋咗喺度。佢好适合唱《梵音》，因为佢个人比较烦，可以Carry到。」
谈到填词人的使命，阿骢认为是将歌曲优化︰「我哋写词系令只歌锦上添花，嗰时好多英文歌或日本歌已经好好听，落到我哋手上点样可以令首歌更加好？更加感动到人？我一有时间就会重温自己慨作品，有啲原稿Keep咗好多年，次次搬屋都差啲掉咗，但又喺番度，得闲睇吓都好多回忆。」
阿骢表示谭咏麟（阿伦）的《爱在深秋》是他当年最赶的作品︰「阿伦次次都要我唱一次畀佢听，有时会唱Demo，好似《忘不了你》有啲音应该点样『拉』过，惊渠有误会，你知资质有限啦！」
至于当年与曾志伟的二次创作歌曲，阿骢坦言跟对方一拍即合：「嗰时我开咗个录音室，自己谂住有制作，咁搞咩好呢？跟住谂起自己读书时成日改人歌词，咁啱嗰时总经理又咁啱好红，做埋导演咁，就走去撩渠，渠又肯喎。录完咪搵EMI发行，结果嗰只碟系渠哋当年全年最卖得慨，一出就卖咗20万只（4白金）。」问到二次创作心得，阿骢笑言最重要抱住「整蛊」人心态：「即系整蛊个原创。」
