鲁振顺坦然年少因没有背景 遭TVB不公平对待离巢：唔开心咪走啰 | 香港01
现年65岁的鲁振顺入行45年，是剧中常见的甘草演员，近日他接受演艺人协会访问，讲述自己因为拍摄电影《天皇巨星》，令自己的人生跌入低潮期。
鲁振顺的父亲是海员，不时在家中听唱片，在耳濡目染下令鲁振顺爱上了音乐。十三、四岁时参加了儿童合唱团，机缘巧合下拍摄无线剧集《乐韵雏声》，这次的经验令他对电视台工作大感兴趣，甚至希望未来可以在电视台工作。后来因为跟不上学校的进度，刚好遇上无线招考艺员训练班。鲁振顺在18岁那一年考进了第八期艺员训练班，他表示在训练班中的生活多姿多彩，包括学习演戏技巧、舞蹈、司仪、谈吐、举止、魔术、武术等等。
同一时间华星娱乐有限公司亦举办天才歌星训练班，而鲁振顺同样报考成功：「华星签我哋，四年合同，冇底薪，免费唱四场，所有活动都要经华星渠哋抽佣20%。」当时鲁振顺希望可以同时与华星及无线签约，可惜的是虽然同为姊妹公司，但合约只能签一份：「嗰阵我就饮水思源，话就话系饮水思源，讲真我都要食饭㗎，冇底薪我点样过日子，所以都系拣返艺员训练班，咁样就入咗无线做咗四年。」
鲁振顺分享加入TVB四年后就离巢的原因：「嗰阵细个希望可以早啲成绩，就会觉得点解啲机会唔俾我，好多人搵我拍戏，但系当经过公司之后，个机会就会俾咗第二个，因为我冇背景冇其他人支持。我嗰阵好愤恨，觉得呢个世界好唔公平。做咗四年觉得唔开心咪走啰。」
值得一提时，他在1983年拍摄一部名叫《天皇巨星》的电影，这一部作品令他饱受不少非议：「呢一出电影累死我，原本我唔系第一男主角，原本系嘉伦哥（梁嘉伦），邵音音姐姐系第一女主角，但系渠哋拍拍下有拗撬，之后就改咗剧本，将戏份摆系两个新人身上，咁个新人就系我同夏淑玲。因为嗰阵慨观众好单纯，就将『天皇巨星』同鲁振顺连埋一齐，我系冇自称自己做天王巨星，而呢四个字累到我好惨，奚落、嘲笑、睇唔起，我好委屈咁过咗一段日子。嗰套嘢令我孭咗好多骚，争咗好多嘢要我要畀。」
这段时间，鲁振顺不但事业不太顺利，就连爱情亦出现问题：「嗰阵时同女朋友拍拖七年，原本想同渠结婚，佢话我哋唔可以结婚，咁你同我拍拖七年做乜嘢，我发觉原来乜嘢都唔属于我。」之后他便辗转去了亚视电视发展，突然无线有一班人加入了亚洲电视，而这些人就是当时令他离开无线最大原因，他忆述当时情况：「渠哋同我讲，『你个样最适合扮小市民，唔系小新角色，乸型就啱你』，渠哋想定型，咁我咪走啰。咁啱有人搵我去台湾拍嘢，所以我真系好多谢上天慨照顾。」
