明报OL：江嘉敏心思思想再剪短发 为角色剃光头都冇问题
剧集《新四十二章》前晚大结局，江嘉敏（Kaman）在剧中饰演「邵桂芝」，当日拍摄时为角色剪了一个男仔头发型。随住剧集播完，Kaman在社交平台分享当日剪短发前后的感受。她说︰「最近呢个星期都好开心，因为收到好多好好慨讯息。首先，前几日去拍嘢，突然之间有个外国人走过来问我：Are you Kaman Kong？我都觉得出奇，竟然会有外国人识得我。跟住渠又话我喺《新四十二章》里面好handsome，而家好pretty，完全系两个人咁！原来渠七年前已经有睇《亲亲我好妈》，平时仲好钟意睇我IG弹琴。妈！我得咗喇！我冲出国际喇﹗第二，《新四十二章》我出街慨第一个礼拜，我收得最多个message就系：估唔到你都Carry到短头发，真系几靓仔。当然，畀人赞外表好睇的确开心，不过我最开心慨系当《新四十二章》播到嚟第二个星期，我收到慨message系：『好钟意你同子诚慨火花，你同Judy真系贱格得嚟又好可爱，你真系越嚟越似小宝啊！』」
Kaman坦言最初知道要为角色剪短头发时，内心是10万个不愿意，但剪完后又觉得几好看。她说︰「做演员就系要带新鲜感畀观众，唔可以一味以一个形象见人。有一段日子的确好难捱，因为身边总有一啲我当时信任慨人，不断打击我自信：『冇嘢啊，其实望落都冇乜嘢（加成分钟嫌弃慨眼神同耻笑慨声音）！哇！你以后真系唔剪短你个头！好X7啊！』不过我知道，难捱慨日子过咗去啦。最紧要系依家《新四十二章》播出街大家会钟意邵桂芝。我好感恩阿Joe监制死都要剪短我个头，感恩武哥写一个生鬼跳脱慨角色畀我，亦感恩遇上会一齐癫慨搞笑慨对手，都要感恩自己当初坚强落嚟，继续做好邵桂芝！多谢大家爱上邵桂芝Monica。如果你问我，下一套剧要我光头得唔得？嚟啊！我准备好喇！希望大家记住，我系演员-江嘉敏。#有少少心郁想剪番短个头」
