陈展鹏罕有澄清“扭计加薪”500万：呢隻死猫我食咗三年
《隐形战队》播出一半，饰演奸角嘅陈展鹏一出，即获网民大讚“演任何角色都得心应手”。其实《隐》前年宣布开拍了，陈展鹏曾是男一人选，唯剧集开拍时，马国明却成了男一，而陈展鹏变为男配角，随后有消息指是陈展鹏因为在续约时以照顾病母为理由，要求加薪5百万，因而激嬲高层而被惩罚。
陈展鹏日前出席《隐》宣传活动时，接受《香港01》访问时表示自己一直未有回应以上传闻係因为过去几年要兼顾三套剧：“呢隻死猫我食咗三年，同公司同舟共济，放弃八位数字合约，继续留喺公司。有咁样嘅决定，当时都觉得有啲衝动，但是我嘅大部份成绩都係呢间公司俾我 ，心底里因为人情味同当时嘅承诺，本来真係可以完约离开。”
既然展鹏同公司讲感情，咁无綫又会唔会识做主动加人工呢？他表示：“同舟共济嘛，我仲减薪支持公司。三年前疫情，相信冇可能要求加薪，除非嗰个人係傻。”问到减薪后会否有经济压力，陈展鹏表示疫情期间最感恩是不用出埠工作，可以留港陪伴定家人，而过去一年自己嘅剧情相继出街并得到观众支持，既感恩又感触。“觉得之前付出嘅努力同决定係冇错。”
他表示今次之所以澄清係唔想有任何不实报道，令外间对佢有所误会。“亦都唔想有其他朋友问同样嘅问题，令到其他演员尴尬，所以才回应。”
