港姐林钰洧私下夜访露宿者 见惨况感难过：好唔开心
港姐林钰洧（Denice）昨日（11/4）现身深水埗出席派饭活动。Denice表示：“今次係我第二次落区派饭，对上一次係我个人名义同几个朋友去咗深水埗露宿者集中聚居嘅地方都派饭，我见到佢哋嘅处境，我係有眼湿湿，我係好唔开心，毕竟我係知道香港有贫富悬殊，但我係唔知道会咁恶劣。经过嗰次嘅探访之后，我觉得自己係好幸福，令我明白到要知足常乐，亦都要有感恩嘅心。”
Denice希望在不久将来能够成立一个慈善机构，帮助弱势社群：“其实呢个谂法，我係谂咗好耐，明白到自己冇乜知名度，所以我先去选香港小姐。呢一年我透过唔同嘅方式，都认识咗好多唔同嘅慈善团体嘅高层，亦都问咗佢哋好多唔同嘅建议，请教咗佢哋好多，希望可以学做呢一样嘢，然后将呢件事可以发生。”
