隐形战队｜阮浩棕“疯癫”演技获激讚 入行十年终于有代表作
有“星三代”之称嘅阮浩棕（Nicholas），嫲嫲乃已故资深女星梁舜燕，父亲阮惠源则为前亚视监制，毕业后未有投身银行界，后来因报读了TVB电视艺员训练班而入行。于2017年离巢北上嘅阮浩棕，去年回流香港并加入邵氏兄弟，曾被安排出演《爱．回家之开心速递》，饰演“米刚”追求熊家乖乖女“熊心如”（苏韵姿饰）。
阮浩棕在《隐形战队》中饰演被判终生监禁的富二代霍展铿，后因陈展鹏将他救出，继而展开对警队的报复行为。阮浩棕在剧内的演技获网民称讚，指他黑化之后的“疯癫”很入型入格。
在接受《香港01》访问时，阮浩棕说：“铿少呢个角色同我本身係有好大嘅出入，而喺黑化之后亦都更加恐怖。拿捏呢段戏嘅时候除咗同监制Jazz以及导演嘅沟通，了解想呈现嘅效果之外，最主要都係信任剧本，信任铿少内心嘅扭曲同对复仇嘅渴望，再加上剧本设定上有毒品嘅影响，呢啲设定亦比咗空间我去放胆疯狂以及失控。”
阮浩棕现时32岁，十年前入行，两年前回巢后一直未有令人深刻的角色，今次相信是第一次如此重戏份。他表示：“虽然係观众嘅眼中我算係一个好新嘅面孔，但其实入行都有一段日子，亦都係唔同嘅地方努力过，累积咗一定嘅经验，学习咗用平常心去演戏，所以接拍铿少呢个角色嘅时候并无特别紧张，因为我要代入铿少去感受去思考，而紧张唔係铿少会有嘅情绪。”
今次拍摄有不少与刘佩玥和刘颖镟的场口，更需要虐待她们，阮浩棕感激得到两位好对手的信任，他表示：“因为同两位女神Moon同Tiff係第一次合作，其中同Moon仲有咁大胆嘅内容，但係係拍摄时佢地都好信任我呢个对手，所以我都无就住就住可以好放胆咁去演出。最后多谢监制同两位女神嘅信任，亦都期待之后嘅作品会有更多唔同嘅表现俾大家见到。”
虽然在剧中是富二代，不过他指现实并没有这个身份，他说：“现实当然唔係富二代啦！虽然以前嫲嫲嘅形象好高贵好有贵气，但我屋企只係一个好普通但係好幸福嘅家，富二代嘅生活我只可以靠演戏去体会！”
