明报OL：法言人｜马国明瀑布式喊戏2Take完成 林夏薇淋完红酒再被泼红油
马国明在TVB剧集《法言人》中饰演金师爷，人前人后乜都“掂呀”，原来暗藏不为人知过去。他最初投身师爷界时因太看重金钱，错失了拯救大好青年咏德的机会，多年来除了自责，更被咏德家人怨恨。多年后，金师爷因偶遇咏德姐姐咏桐（林熹瞳饰）而想起过去，更在佑家（林夏薇饰）面前崩溃嚎哭。马国明在这场戏中瀑布式流泪，获网民讚“入晒戏”。
他表示拍摄当日分别拍了一个远镜及一个大头近镜，感谢台前幕后配合及有个好剧本，感动到他才拍出效果。林夏薇回忆拍摄时也深受感动︰“见到金师爷咁都好想流眼泪，但又唔可以，因为呢个时候我个角色要畀佢依靠，所以都好难忘。”
马国明回忆当年《降魔的》中入火场救金刚小仪一场喊戏，至今仍十分难忘。他说︰“我要喺冇对手同对白情况下完成，要重複咁入火场，每次都要有嗰个情绪，同埋对白主要係‘阿爸阿爸’，要靠自己幻想。”
马国明坦言初入行时曾被喊戏考起︰“初初入行都唔係成日喊得出，后尾累积咗经验好啲。我觉得最紧要係剧本，我好彩都遇到好剧本，剧本畀到你嘅话，拍喊戏就唔太难。”谈到与林夏薇CP形象受欢迎，他说︰“我同薇薇好夹，佢笑点好低，同佢开工其实几好笑。”
林夏薇饰演的佑家继被淋红酒后，在昨晚一集又惨被淋中红油。事缘咏桐因欠债向金师爷借钱，其间遇上追数佬，混乱间身穿白色套装的佑家惨中红油。林夏薇笑言“红”运当头︰“当日用嘅係真红油，好考泼嗰个演员嘅技术，因为我嗰套係白色衫返唔到转头，拍之前大家有教个演员点样去泼，个难度係要搵准个位，所以嗰位演员事前都拎住盆水係咁喺度练，我都有安慰叫佢唔好咁大压力。最后佢好认真咁练咗好多次，好彩最终一Take过，出嚟个画面都几靓。”
