林夏薇爆1个月瘦3kg
超Deep V出活动怕走光：安全措施要再做足啲
林夏薇以一身Deep V打扮出席代言纤体公司的旗舰店开幕活动，被问会否怕走光，她指之前试穿时啱身，但近一个月开工忙到瘦了3公斤，件衫即时有鬆，所以安全措施要做足啲！
林夏薇今日出席代言纤体公司的旗舰店开幕，件衫低到落肚脐，问会否担心走光，她说已做好保护，但就透露一个月内瘦了3公斤：“都OK，不过真係瘦咗，因为之前准备呢套衫嘅时候係肥过依家，阿妈之前储肥我储得好辛苦，终于肥咗3公斤，一开工又瘦返晒，今日试件衫同之前感觉有啲唔同，要再做足啲安全措施。”
之前有网民嫌她太瘦，指她肥些更好睇，林夏薇都同意，但自己一开工就好紧张，有时可能一日内走几场宣传及开新剧《逆天奇案2》，饭都冇时间食，但她不会嫌辛苦，并表示：“今次係第一次开续集，之前《逆天奇案》一出嚟个成绩都几好，所以成个团队都希望续集会有啲新突破，睇到唔同嘅变化，好彩今次又同展鹏合作，好有默契，所以好快Pick up返。”
以今日为例，林夏薇去完开幕活动又要赶去《法言人》祝捷会，她指很突然知道有祝捷会，极之开心，尤其是第一次同马国明做CP，反应意想不到地好，她说：“监制话好多网民留言，问几时再同马明做CP，我话总有机会，但拍完《逆天2》先。”
忙完剧集宣传，又要出品牌活动和开剧，问到老公会否诈型，林夏薇指：“佢不嬲都好支持我工作，见到我努力嘅成果得到大家认同，都好戥我开心，同埋我一唔使开工就全力陪佢工作，开剧前周围飞其实都係陪老公工作。工作同家庭，我一有时间就摆返喺家庭，只係一开工我又专心返工作啫。”
