明报OL：造星V｜Win Win男友KC晋级60强 陈咏燊讚无可限量
ViuTV选秀节目《全民造星V》，25日播出一集轮到另一大热门99号黄家灏（KC）登场，KC亦是《全民造星IV》参赛者杨安妮（Win Win）的男友，KC的表演项目是他最拿手的跳舞《Beatbox的起源》，KC表现出色，获3位评判Edward Chan﹑“一灯大师”陈咏燊（Sunny）和伍咏薇给3盏蓝灯顺利晋级60强，而导师陈健安和陈蕾亦抢人成功。
Edward讚KC：“其实嗰段节目音乐结束后，佢行去呢个位，啱啱射灯照出佢半个背影，我已经想揿（灯），同埋我已经Feel到呢个表演係会圆满，因为佢嘅信心话畀我听，佢唔会係揸流摊；另一方面，音乐编排几新颖，好属于𠵱家我哋听嘅嘢，我觉得将一啲已有嘅嘢，变成现在嘅嘢，仲要係自己嘅嘢，好难得，创作过程非常欣赏。”
Sunny亦激讚：“每份资料我都有睇，《造星IV》总决赛Win Win个表演我仲记得，所以我对你嘅要求係好高，我咁早揿（灯）係因为你有度嘢，Dancer嚟讲，跳得好係基本，跳得好之馀肯讲故仔已经好难，愿意讲Story仲要有幽默感，係难上加难，所以你係无可限量，希望你加油，好期待。”
节目亦播出KC参加《全民造星V》的面试片段，他说：“其实《全民造星》传播力好好，我觉得喺香港对舞蹈员嘅欣赏及尊重，係可以再提升啲。”
KC在面试时，被导师指他的唱功有待改进，KC一时感触落泪：“其实我最初好锺意唱歌，之后因为中学嗰阵发生过好多事，我有好多打击，唔係好敢再唱歌，就算唱K我都唔太敢唱。直到之后锺意跳舞，我觉得係音乐带领咗我及创作带领我去跳舞。”
KC坦言小时候对自己唱歌充满信心，但去到中学时参加合唱团﹑参加比赛，得到的结果很差，甚至有人指他唱得难听，那份直接严重打击了他的自信心，好像从天上跌下来一样。
