香港01：丝打围炉｜蔡洁爆深受撞样李佳芯困扰 不忿︰唔係好想提佳芯个名
蔡洁最近凭TVB热播剧《一舞倾城》饰演“Monica”成功弹起，她最近作客虾头（杨诗敏）、连诗雅主持的网上节目《丝打围炉》就剖白自己多年来深受被指撞样李佳芯，和曾拍摄全裸肉搏曾志伟的事情深受困扰！
当被虾头问到经常被指是“Ali2.0”会否不开心时，蔡洁直言：“老实讲唔开心一会有，举个例子头先讲到《香港仔》，其实从我真係宣传《香港仔》开始，直到过咗嗰一年之后到7、8年之后，我做宣传访问都会同《香港仔》有关，都係‘全裸肉搏’、‘总经理’呢啲字眼，其实人哋都係一个女仔嚟㗎嘛，一定会係介意同唔开心。去到近呢几年，首先想讲唔好意思都要讲句，我唔係好想提到佳芯个名，因为我觉得打扰到佢。近呢几年又多咗个Tag，就係全裸肉搏完总经理之后，又佳芯2.0，连个题连我个名都冇，你话有冇唔开心，一定会係有。”
蔡洁再补充儿已有种“不忿气”的感觉：“我拍过《香港仔》比较大胆，过咗好多年之后，就算佢报你其他嘅嘢，点都会报返呢样嘢，点讲呢⋯⋯我哋作为演员好想同大家讲，只係角色啫！如果我扭扭拧拧，你又会话我扭扭拧拧。当然我都明观众係分唔到嘅，但我就係好想去证明俾佢睇‘大佬呀，我係专业㗎！’，我只係想证明呢样嘢。”
蔡洁亦在节目中透露自己的初恋是发生在中学，但这次的恋爱经历受尽创伤：“中学我係读寄宿学校，所以係喺学校裡面发生。初吻有个PTSD（创伤后后遗症），当时我箍紧牙，后来过咗一段时间，佢啲朋友见到我，就会话‘舔铁’，觉得好创伤，之后就觉得唔同你Kiss Kiss，唔同你一齐啦。（最后分咗手？）绝对分手。”
