袁伟豪承认性格敏感易对号入座 被前辈一句无心之言误伤痛哭流泪
01娱乐访谈节目《摸杯底》邀请袁伟豪担任嘉宾。袁伟豪近年经常与网民展开骂战，又多次公开炮轰传媒，因此被指情商低，为此他表示：“我嘅世界呢个行业唔係咁样，我係80年代出世，我係睇住八、九十年代娱乐圈长大，我会喺认识嘅前辈口中得知呢个娱乐圈係应该要点样互相扶持，去一呼百应，有咩事大家要企出嚟互相支持。艺人同传媒嘅关係应该係好友好（係唇齿相依嘅）係！即係大家一个都不能少，有啲嘢係可以攞出嚟倾，枱面倾唔到嘅嘢，可以枱底倾，因为大家都要互相支持大家。”
今后不会再回应任何有关他的新闻：中伏太多次
此外，袁伟豪坦言会以读者的身份评论娱乐新闻：“如果你日日个标题弹出嚟都係话‘乜乜男神50岁崩坏’、‘乜乜女露半球’，我都唔会揿入去啦，除非我睇到个标题係话‘袁伟豪露半球’，咁我就会入去睇下。”经历过如此多相同的事，今后都不会再回应任何有关他的新闻：“实在中伏太多次。”
忆最难听说话
随后，主持林柏希问到除了在娱乐新闻中，是否在工作上听到过一些难受的说话，严重程度足以萌生退出娱乐圈的想法，袁伟豪忆述约十年前拍摄电影《72家租客》时与前辈的一段对话：“嗰时做紧宣传，当日见完记者之后我哋会有啲茶点，咁就排队攞嘢食，我就係一部咖啡机面前排队，咁我就礼貌上问下‘唔好意思，请问呢度係咪排紧队攞咖啡？’咁佢就好直接咁答我‘係呀！排下队先啦，新人！’之后就行咗去啦，又唔係喺度排队。”
觉前辈说话有弦外之音 止不住泪水：啲眼泪係咁流出嚟
袁伟豪坦言这句说话令他很难受，认为前辈有弦外之音“等下先啦”、“新人你有咩机会？”因此在开车回家的途中，袁伟豪止不住泪水：“嗰阵仲好Dramatic（戏剧化）咁样，带返副太阳眼镜，一路揸车，啲眼泪係咁流出嚟，然后开免提打俾我当时嘅女朋友。”
终解开误会：我太sensitive啦
而事件发生两年后，袁伟豪再次与这位前辈合作，他亦把这一个经历及感受告知对方，岂料对方捧腹大笑：“係咩？我有讲过呢啲说话咩？我同你讲笑㗎咋”这次听者有心、讲者无意的事件令袁伟豪这样评价自己：“我太sensitive（敏感）啦，太sensitive得来太容易堕入自己⋯⋯所谓嘅对号入座。我嘅优点都係我嘅缺点，就係好直白，我唔係好锺意转弯抹角。”
