明报：造星V︱天生明星相 Aaron 瑞铭 Adams 要做自己
ViuTV选秀节目《全民造星V》40强已经诞生，今届有不少参加者跟艺人歌手撞样。王瑞铭被指似Tyson Yoshi，他称高攀不上。对于排舞第4日才首次现身，被质疑操行欠奉，Anson解释：“嗰个旅行对我嚟讲好紧要，操行方面其实还好，慢慢改进，参加后都觉得自己有好多要改进，因为唔识唱歌、跳舞又渣，话得个样，但个样又唔係好，所以要继续努力，一直除畀人话靓仔，就係话似某明星，我想大家知道我叫王瑞铭。”
参赛者中比他靓仔及有才华的不少，王瑞铭表示不会打击夺冠信心，他说：“如果发挥好自己，唔得都冇办法，观众缘好紧要，我可能冇啩。我打定输数，但定下期望很高嘅人，往后嘅比赛一定会有进步。”王瑞铭表示与女友已拍拖很长时间，感情稳定，故公开恋情后，也不怕有影响。
撞样狄易达的何居倬（Adams）表示，与明星撞样有着数，能令观众留下深刻印象：“其实係好事，但唔觉自己似狄易达，亦无人话过我似。”他透露之后比赛不止跳舞，还会大骚唱功，盼观众对他有新感觉。
Aaron（梁浩朗）透露由何启华（Dee）参加《全民造星》开始，身边朋友已经说他跟对方好似，试过在街上被人叫错名，他说：“都几得意，觉得係好事，期待可以同阿Dee合作扮孖生兄弟。”
路飞自参赛吸纳大班粉丝支持，面试时获宝姐大讚得意，理应有优势，可惜表现强差人意，他说：“刚开始都觉得会入到60强，之后觉得入唔到，见到大家好犀利，拣歌方面确实自己未准备好，有‘死啦’、‘濑嘢’感觉。从来唔觉得自己唱歌特别好，一般啦。坐喺复活区时，冇乜担心，我係较理智嘅人，反而觉得如果以咁样表现‘复活’，会浪费晋级席位。”
Eddie（林堡熙）早于《全民造星III》已想参加，但未获回覆，等了2年再报名，却撞正参加闪避球世界盃，在没时间准备唱歌跳舞情况下，就算比赛受伤，也决定表演自知冷门的“杀阵”，表现未如理想。他说：“预了自己唔得，咁就透过表演中，我最后打输咗笑住走，同大家讲输咗唔紧要，但打得尽兴。”
