星岛：全民造星V丨亚军KC
获节目组厚待係“亲生仔2号” 一原因唔介意被称Win Win男友
ViuTV选秀节目《全民造星V》总决赛于今日（16日）举行，99号黄家灏（KC）虽是大热，最后仅输Lyman成为亚军。KC由比赛开始已经极受注目，不单是因为《造星IV》最后五强的Win Win是他的女友，再加上有8年跳舞经验，本身是舞蹈员、排舞师及跳舞导师出身，多次在节目获得好评，被视为大热人马！
当年姜涛参加《造星》的编号是99号，今次KC在《造星V》同样是99号，自然被看高一线，在自我介绍影片上，KC是十大关注名单中最多人观看的是影片，上载两日已超过4000人浏览，片中KC自爆爱唱歌、打机、煲剧、睇动漫、食嘢及瞓觉，更搞鬼地大玩《宠物小精灵》的耿鬼公仔，可能是较多出镜经验，因此亦是众多影片中表现最自然的一位。虽然被为大热，但KC当时称信心只是中庸：“对自己能力有认知，未自信到会觉得赢硬，我亦唔会睇小其他对手，总之大家都有机会赢冠军。”
不介意被称“Win Win男友”
自从参加了比赛后，外界不时用“Win Win男友”去形容KC，难得他一点都不介意，再者两人都拍拖近5年，没甚麽好隐瞒：“我哋嘅关係好稳定，係互相学习、互相进步，大家对我有呢个印象都唔错，不过我希望大家记得除咗係Win Win男朋友，仲记得我有喺《全民造星》内排过舞。”
不过随著战况愈来愈激烈，KC亦受尽压力，除了被指唱歌走音，只是跳舞叻都可以由头带到尾，甚至因比赛期间有大量镜头而被封“亲生仔2号”，KC曾在访问上重申不觉得节目组对他特别好，剪辑方面亦不是他决定，他只希望做好自己：“我绝对係作为一个参赛者去参与呢个比赛。”
无意判断谁对谁错
KC坦认被转移视线有点不开心：“我觉得都有少少个集中点去咗个事情嘅真伪，有啲人可能好firm咁讲，有啲人好猜测咁样去讲，咁我觉得都要睇我表演，都要睇我create嘅嘢，你哋觉得唔够好或者有咩唔好我都会听。”
重提KC曾在澳门十强节目中，提到王锋被阿泽投诉临时改舞步一事，KC事后称无意判断谁对谁错，“邪念係胜负带畀人谂多咗嘅嘢，喺我嘅世界真係只係得做好自己，而呢个係份内事，所以点解当初我话呢件事係悲剧呢，就係因为胜负呢样嘢分开咗佢哋。”
对于发表意见被狠批，KC觉得被误会，“但係is OK，我只係喺镜头前讲咗一啲对呢件事嘅想法，每个人都有佢嘅答案，其实当下讲嗰番说话，大部份我係表达一个感叹嘅感觉。”
