明报：港姐越南外景｜黎诺懿呻佳丽英文名艰深
黄泳嘉回应Single Mom传闻
TVB 《2023香港小姐竞选》16位佳丽目前身在越南岘港及会安拍外景，第四日的外景行程依然紧密，16位佳丽除在酒店打高尔夫球外，还到当地特色景点稻田及砖房拍摄，穿长裙上阵的佳丽，在稻田美景及砖屋中大摆甫士。
是次外景拍摄特别之处，除了令佳丽关係变得更密切，外景嘉宾黎诺懿对佳丽贴心照顾，亦令佳丽多了共同话题。15号庄子璇（Hilary）透露，对于黎诺懿真人与镜头前一样搞笑大感惊喜：“佢成日讲烂Gag，都几搞笑，同埋要我哋叫佢做诺仔。”
3号邓凯文（Eris）及、7号毛志琛（Viktoria）轮流大爆黎诺懿暖心行为，Eris说：“佢好照顾佳丽，好似我跳舞好差，佢会鼓励我要有自信。”Viktoria说：“我有过敏，佢就叫我问佢女助手拎药，叫女助手帮我搽。” 除了贴心，第一天拍摄便记熟所有佳丽中、英文名字的诺懿，更获封“记忆小王子”，他笑言有秘诀，并指今届佳丽英文名太艰深：“其实我记得晒係靠出猫，不断问人㗎咋，难记嘅名我都交晒畀梁凯晴，我人生最怕记资讯嘢同人名。同埋佳丽啲英文名好深，又Zora、又Eris、又 Lovelle，我平时叫开Mary咋嘛。”
在社交平台自我介绍中，自称“Single Mom”惹揣测的2号黄泳嘉（Jessica），则首度在娱乐新闻台开腔回应：“我唔知广东话有冇呢句说话，我嗰时喺加拿大有样嘢叫Mom Friend，通常指好锺意照顾人嘅朋友。我喺加拿大嗰时住寄宿学校，我係好照顾啲同学，佢哋个个都话我係妈咪，呢个（自我介绍）只係Inside Joke。”
无綫官网上周一开始进行的《2023香港小姐竞选》“你最Like的心水佳丽”投票活动，今午公布首周投票结果，暂时头五名依次为17号王敏慈（Lovelle）、16号郭珮文（Juliana）、13号陈晓彤（Cindy）、15号庄子璇（Hilary）及12号梁晶晶（Nicole）。
