宠爱Pet Pet｜与林夏薇相差8岁演姊弟恋 周嘉洛：磨合得好好
周嘉洛今日（25日）出席TVB 新剧《宠爱Pet Pet》之“Donut & Friends”宣传活动，接受《香港01》访问透露所演角色：“今次演心理治疗师，透过观察力去了解主人与动物之间啲问题，导向双方改善问题嘅根本。係属于一个圆滑嘅人，识得睇人地眉头眼额！”
众多参演的演员指他“凼狗有一手”，他说：“呢啲都係一般嘅伎俩嚟嘅啫，攞佢哋嘅注意力，係主人面前施展魔法俾啲嘢食佢哋，都係一个行医嘅方法，虽然方法比较鬼鼠，但係都係work嘅！”
提到林夏薇早前指最想打的剧中男演员就是周嘉洛，他笑言：“呢啲係我哋私人恩怨，其实身处拍戏现场都好有默契，开工嘅情况底下，基本上完全冇闹交，都可以夹到。”他又指其实林夏薇成日都想打他，是因为自己废话连篇。
新剧的预告片段释出，有不少网民对于他与林夏薇演情侣，感觉年纪差别大，仿如“姊弟恋”。对此，他表示：“太夸张喇呢个说法，佢其实係我面前都唔算係姊弟，原因係因为佢冇特别照顾我或者摆出前辈嘅态度。我同佢磨合得好好，好似差唔多年纪嘅普通朋友咁样，真係得啖笑，我哋相差八岁，点样生到个仔！”
提到今次挑战姊弟恋的角色，他坦言现实中有试过姊弟恋的经验，同时大讚林夏薇可以带佢入戏，并表示：“大家喺剧中查案好投契，感情戏好信任佢。”至于目前其他工作安排，他分享拍完《罗密欧与祝英台》及《痞子无间道》之后，现时在拍《爱回家》。
讲到最近有传许家杰被爆狠飞林淑敏，与李芷晴戏院密会蒹撑枱脚的报道。他回应：“早两日宣传好似有听讲过，我记得嗰日好似喺戏院撞到佢哋，佢哋係一大班朋友。当时我同朋友睇紧另外一齣戏，不过我冇详细睇过报道，可能报到出嚟果一日并唔係同一日！”他笑称其实同行嘅演员经常都会相约聚会，这是很正常的事情！
