港姐2023｜庄子璇被传大热摆款 郭珮文：佢讲嘢有时候都好直
今届港姐又有是非，有指大热候选佳丽庄子璇（Hilary）入围后先后夺得“一见锺意佳丽”及“越南越爱香港小姐”奖项，风头一时无两恃宠生娇，经常靠黐幕后攞着数，又在其他佳丽面前摆款成犯众憎，遭众佳丽群起杯葛。
候选佳丽郭珮文（Juliana)为好姊妹Hilary平反：“其实我唔觉得佢係，我係觉得佢係有自己嘅闪光点，而且我又好欣赏佢嘅口才，同埋佢讲嘢有时候都好直，例如我有时做得唔好，佢都会提点我，我係好多谢佢。（咁多佳丽，会唔会之间相处唔係咁融洽？）冇可能16个都係好朋友，始终都会分咗一堆堆，边一啲比较啱倾啲。（Hilary有冇受到负面新闻唔开心？）我唔知佢有冇唔开心，但佢表现到好理解，同唔在意呢啲事。（自己有冇被其他佳丽排斥？）暂时我就未发现，有我再话你知。（你同其他佳丽玩得埋唔埋？）我觉得几好，成日氛围都好Ok，就算有问题都唔会摆上枱面。（留返喺枱底度解决 ？）我唔知道，因为我为人处事唔係太过特别敏感。”
