排球男神丨李尔晨靠开健身室搵钱畀家用屋企 声线沉厚失角色没灰心：再努力
李尔晨（Kyle）投资健身室两年，今年将营运经验再下一城，跟沈震轩和陈欣妍合资铜锣湾健身室。本身是运动员出身的Kyle将喜爱的事变成事业，为他带来稳定的收入，可以畀家用之馀，更可以无后顾之忧去衝幕前的演艺事业。
Kyle透露在尖沙咀开设的健身室已经2年多时间，该健身室为“女士专属”，感激客人的支持下捱过了疫情最艰难的时刻，今年他再做老闆，跟沈震轩和陈欣妍合资近七位数字在铜锣湾开设另一间健身室，他说：“沈震轩联络我经理人，因为佢屋企太多健身器材，嚟紧搬屋就想转手去我尖沙咀健身室，我就话不如唔好卖，一齐开多间，点知一拍即合。”
他笑言沈震轩和陈欣妍甜蜜到爆，令单身的他变成“电灯胆”，不过跟两人分工清晰，而且互相信任，合作得非常爽快。
Kyle直言在健身室生意上得到稳定的收入，近年才正式可以向家人畀家用，“虽然唔係咩大数目，不过总算係作为仔女嘅一份心意，同埋一份开心同安心，之前演艺事业係有少少迷惘期，屋企人都叫我既然搵唔到钱不如唔好做，但我就有份固执喺度，希望将来有好作品畀到屋企人一个交代。”
签约邵氏兄弟三年多时间，Kyle虽然偶然有客串剧集的机会，但仍然有待“入屋”，“我都沉淀几年，呢几年努力睇戏、上堂学戏，了解自己更加多，呢个过程係非常宝贵。我当然好多有更多演出，但我明白尤其係男人，真係要有个味道，人生要有经历先可以成就个好嘅演绎，所以而家心态比较平稳，静待机会。”
Kyle坦言曾经有一次成功面试剧集角色，连造型都已经试好，但却因一个原因被撤换，“开工时发现我把声太沉厚，觉得同外表唔太衬，而且同原本个好后生角色唔配合，最终就失去个角色。如果几年前一定会好唔开心，但而家就觉得唔适合唔紧要，再努力等下一次机会。始终角色係讲缘份，有得改善就改善，声底呢啲冇得控制就调整心态。”他透露10月将接拍一个网剧，相当具挑战性，有望可以跟不少殿堂级的前辈学习，令他非常期待。
