星岛：岑丽香与大仔首度玩亲子瑜伽大考验 似足树熊黐实妈咪劲可爱
38岁岑丽香（香香）2016年嫁给金融才俊Joshua（强强），婚后诞下两子吴主轩（Jacob）和“小腰果”Julias（JuJu），早前趁假期带了一对儿子回温哥华探亲，小休过后已经返港。日前岑丽香四岁半大仔Jacob以母子档上阵，出席一个亲子瑜伽活动，首次跟囝囝一起做瑜伽的岑丽香备受考验！
原来岑丽香的囝囝刚从加拿大返港，因未适应时差关係，全程似十足小树熊般黐实妈咪，可爱度爆灯，令岑丽香受考验：“一直喺屋企都有做瑜伽，囝囝见到会好奇一下，我都会问佢哋想唔想join。今日终于第一次同囝囝跟老师一齐做瑜伽，其实我冇expectation，因为佢咁细个，目标唔係要做到完美动作，反而想佢可以同我做下运动、开开眼界，毕竟我哋刚由加拿大探亲返港，佢仍有少少jet lag，今朝凌晨四点已起身，之后只瞓咗半个钟晏觉，所以佢表现算非常叻叻！”
跟小朋友做运动建立亲子关係
岑丽香认为跟小朋友一起做运动，最重要是保持耐性，透过运动过程令小朋友学识聆听、见识新事物及发掘自己喜好：“一齐做运动帮助我哋建立亲子关係，因为自己一个做运动，可以好集中去做，同小朋友做运动係另一种fun，好似mommy and son date，大家一齐试新嘢、一齐学习、一齐拉筋舒缓压力、一起交流，享受互动，加强bonding。”岑丽香指囝囝跟爸爸一样属于运动型，与囝囝一起做得最多的运动是“骑马仔”，而岑丽香正是扮演马的角色。
不用开工全程陪囝囝
自从成为两子之母后，岑丽香家庭事业两兼顾，有网民大讚她是圈中其中一位演绎work-life balance最成功的妈妈，不过岑丽香认为要真正达到work-life balance绝不容易，她说：“无论工作几忙都好，一定要抽时间同小朋友互动、多啲倾偈，build up佢嘅将来，如果day time不用开工的话，都会陪小朋友，me time通常会喺佢哋瞓咗觉之后。”
她更笑言做妈妈频频扑扑，又时常要抱小朋友，每天谷出最大运动量，绝对是收身良方！
