明报：炎明熹10月个唱门票1.5小时售罄 主办宣布加开终极尾场
炎明熹（Gigi）10月于Star Hall举行《炎明熹Gi-FORCE演唱会》，10月7日场次的门票今早10时开卖，11时半全数售罄。Gigi知道后心情兴奋，她说︰“我前一晚仲紧张到瞓唔着，真係冇谂过反应咁好。开卖冇几耐，我已经不断收到歌迷喺社交网站私讯我话买唔到飞，好唔开心。”据知，有黄牛党声称手持前排靓位门票，欢迎私讯了解详情及售价。Gigi知道后即时向公司反映，主办单位随即宣布加开10月8日终极尾场。
Gigi表示︰“之前睇啲前辈歌手开演唱会嘅报道，佢哋会烦恼歌迷买唔到飞，又会心痛佢哋帮衬黄牛党。我依家终于身同感受，好多谢公司配合，好快应承加多一场，但因为场地问题，唔可以再加。我想喺度呼吁我嘅歌迷，真係唔好帮衬黄牛党，希望加场之后，大家都可以买到飞。虽然加场令自己压力大增，但为咗答谢歌迷，我会尽最大努力，好好完成两场演唱会。正如我前日喺记者会上讲，只要我攞起支咪，就会珍惜每一次演出，唱好每一首歌，为咗多谢歌迷嘅支持，我会双倍畀心机。”
10月8日的加场门票已于今日下午2时开售。
