星岛：炎明熹演唱会门票被秒杀即加场 呼吁粉丝拒绝黄牛：千祈唔好咁傻
炎明熹（Gigi）与周吉佩（吉吉）今日（26日）为下月2日举行《星光熠熠耀保良》到保良局探访小朋友，周吉佩更带同老婆及仔女到场与小朋友一起玩游戏及派礼物。直言很喜欢小朋友的炎明熹笑言本来以为自己样子很cool，小朋友不会想接近自己，没想到他们也很喜欢跟自己玩，至于身为爸爸的周吉佩就指平常主要陪玩，管教方面则由太太代劳，但自己也会有严厉的一面。
周吉佩笑言一对仔女社交很强，是破冰专员，不过就踢爆囝囝好锺意炎明熹，上次见到炎明熹后变得很怕丑，之后现场安排炎明熹与周吉佩仔仔合照，他更怕丑到全身僵硬，非常搞笑。
对于工作增多，吉吉坦言现时夜晚较少见到仔女令他们投诉：“佢哋话係呀，而家爸爸说唱歌唔锺意佢唱歌，仲话不如唔好做明星，而家只能够日中陪玩多啲。（暑假有多啲陪佢哋玩？）之前去咗长隆睇动物，今日会带佢哋上山顶玩做最后衝刺。”
乡亲父老拉大队来捧场
另外，提到炎明熹于10月举行的首个个人演唱会《Gi-FORCE》在开售1.5小时内售罄后极速宣布加场，炎明熹指听到消息后变得更紧张，但希望自己能尽力用心唱好每首歌，亦希望首场买不到飞的人在加场能够入场观看。
而她亦呼吁大家不要买黄牛飞：“抢唔到下次一定会有机会再睇，千祈唔好咁傻，（有冇同学叫你买飞？）我都有听到，所以叫佢哋搵我啲同事，（争好多飞债？）我都觉得係，其实我好想帮助过我嘅人同埋爱我嘅人，我都希望可以畀到飞佢哋，但真係好难有好多飞。（开多几场？）我会尽力加油开多几场，（今次仲有冇机会？）我希望呢个消息可以传到大家耳朵。”
炎明熹又笑言无论在汕尾石家庄的10多名乡亲父老也会拉大队来捧场，希望他们能看得开心的同时也能因自己感到自豪：“我觉得佢哋真係可以畀到鼓励我，希望我真係可以尽力表现好，虽然我而家真係好紧张，但去到现场希望自己可以尽力发挥，尽力去享受。”
