颱风苏拉｜周吉佩支喾仪綵排完同车返家险出意外：成支树干扫埋嚟 | 香港01
周吉佩（吉吉）昨日（2/9）现身亚洲国际博览馆出席《星光熠熠耀保良》筹款节目。提及较早前受超强颱风苏拉影响，香港悬挂十号风球，庆幸颱风苏拉下午逐步远离本港，筹款骚得以如期举行，吉吉在接受《香港01》访问时表示：“其实本身我就好担心，因为好多人买咗飞入嚟睇，如果个风球唔走，今晚係冇现场观众，咁所以我就求神拜佛希望快啲落波。”
吉吉续说：“寻晚我哋綵排到好夜，仲啱啱挂咗10号风球，到我走嘅时候，我就车埋Venus（支喾仪）一齐走，当我喺机场公路行驶紧嘅时候，啲风係劲到吹郁部车，我係要减速，同埋係要同个軚盘角力，去到中途嘅时候，突然间有成支树干扫埋嚟，直头插入咗我部车底，嘭一声，吓死我哋。之后我要慢慢车过条树干，之后继续行，如果当时真係出咗意外，我谂真係冇人救到我哋。”
