明报：贾晓晨被粗心大意樊少皇激到呕血劲崩溃：每日都谂离婚
快将41岁的贾晓晨（JJ）今天（16日）以代言人身分出席美容店开幕活动，今年初JJ跟老公樊少皇传婚变，当日是樊少皇将“离开”手民之误变成“离婚”，搞出大头佛的他知衰求老婆原谅，JJ及后贴出全家福平息传言。6月底时，JJ再在社交平台发文吐心声，透露跟某人无法沟通，后来她删走帖文，再次惹来婚变揣测。
今天JJ被问到与老公关係如何，她直指是边缘状态，有时被老公激到呕血，搞到个人崩溃，她大吐苦水：“我曾经睇过一本书，讲一对结婚50年嘅夫妻，一日要谂50次离婚，我係100次想杀咗对方（樊少皇），我𠵱家係呢个状态。（每天想杀他100次？）101次！（经常气你？）梗係啦，我觉得男仔谂嘢比较粗线条（粗心大意），有时激到呕血，噚日我处理好多嘢，赶住接女，临走之前递嘢畀佢（老公），但转个头佢唔记得咗攞，大佬，我觉得好辛苦，我已经递到去你隻手，不过係好小事，但每日经历呢啲小事，就有啲崩溃。”
虽然有时被老公激到呕血兼崩溃，但JJ讚樊少皇脾气几好：“我老公脾气都几好，讲完就算。”谈到她的生日将至，JJ已开声叫老公送礼物：“梗係包包啦，包包可治百病，我都冇咩追求。”
另外，JJ表示老公从没要求离婚，更自爆樊少皇所有物业也写她的名字：“如果佢同我离婚，佢会好辛苦，边个好似我咁，帮佢做咁多嘢？同埋所有楼都係我个名，佢好蚀。”JJ拒透露几多层楼在手，但就自爆物业分布香港及内地，她解释：“其实我嘅兴趣係挣钱买楼，我唔识做其他生意。”
