你好我的大夫｜吴伟豪被指力捧成陈豪马明接班人：唔敢接受呢个名 | 香港01
无綫剧《你好，我的大夫》演员蔡思贝、何广沛、吴伟豪、游嘉欣、孔德贤、陈嘉慧等现身剧集宣传活动，众人在台上挑战执药，谢雪心（心姐）担任评判，Deep V的蔡思贝攞起个秤时似模似样教大家秤药，其父母和爱犬都有现身撑场。
吴伟豪（Ricco）接受《香港01》访问，讲到剧中与陈嘉慧组CP，又被对方泼水，他说好彩拍泼水时一Take过冇NG，好有成功感。讲到正骨“探肛”一幕，Ricco笑称拍的时候不尴尬，反而剪接完比较尴尬和好笑。
被问会否希望继《爱回家之开心速递》的朱凌凌后多一个代表作，Ricco表示：“我每一次拍每一套剧都希望成为代表作，我都花好多心思做好每一个角色，希望观众接受我哋呢一Pair同埋呢一个角色。”
今日有报道指他是TVB新一代力捧小生，成为陈豪、马国明接班人，他听罢即“哗！”了出来，谦虚说：“呢个我就唔敢承认，希望自己刷出一片天，行出自己嘅一条路。（但都好开心有人咁讲？）当然开心，但係唔敢接受呢个名称，我有好大距离同进步空间。”
早前其父亲吴大强惊喜客串《爱回家》，过完戏瘾后表示想挑战奸角，但目前仍是演戏初哥，问Ricco会否教这位“新人”做戏，他说：“我都试过係新人，其实我都Keep住学习嘅心，相信我阿爸都係，如果阿爸尝试演奸角完全冇问题，每个演员都会有第一次，睇吓点样拿捏。（你有冇做过奸角）我都未，我都想，可能阿爸睇完我访问话过想做奸角，佢同我一样有咁嘅心。”
