星岛：方骏钊监制冇否认祥仔雯女拍《巾帼4》 外界对中医多误解拍《大夫》助消除
方骏钊监制新剧，蔡思贝、何广沛、吴伟豪及陈嘉慧等主演的《你好，我的大夫》反应不俗，他希望剧集能令观众对中医有所改观。讲到筹备中的《巾帼枭雄之悬崖》，有传男女主角继续由黎耀祥和邓萃雯孭飞，方监制冇否认。採访：杜杜
方骏钊希望《大夫》令外界消除对中医的误解，不过，最初他听到编审提议拍中医题材也曾怀疑，“中医畀人感觉好慢，老人家先去睇。”经过资料搜集才改观，“原来中医都可以急救，有案例喺飞机上有人中风，中医师帮佢急救醒返，大学都有得读中医，好多啱啱毕业嘅中医师都係靓仔靓女，于是就想拍个类似《On Call 36小时》嘅中医版。”
演员食穷制作组
剧集起用多位新生代演员，方骏钊认为可令剧集看起来更有活力，但承认场面有时会难控制，“好快建立到友情，真係会好癫，有时都要叫住佢哋，因为会失神。”监制爆料演员好为食，“通常拍食嘢戏，都係食少少就算，好少真係会食道具餸，但呢班演员无论食乜，都全部扫清光，PA都话食到我哋穷，所以咪越拍越肥囉！不过拍摄气氛好好，对拍摄都有帮助。”
方骏钊又指与内地企鹅影视共同推出，在内地拍摄的《巾帼枭雄之悬崖》会以民初为背景，至于主角是否传闻中继续由黎耀祥和邓萃雯孭飞？“仲计划紧未公布得住。”提到当年以导演身份与两人合作《巾帼枭雄》及《巾帼枭雄之义海豪情》令他开窍，“佢哋对戏剧嘅执着，每个表情每个反应，都会追溯点解要咁做，会逐个%去讲，使唔使做多啲或者做少啲，就算镜头见唔到佢哋，都会坚持畀足反应，呢个热诚令人敬重，令我都唔够胆偷懒。”
