明报：何广沛剧接剧为台庆颁奖礼争奖造势 公开认爱盼成家立室
TVB小生何广沛近来剧接剧播出，由《破毒强人》去到《你好，我的大夫》，打破遭雪藏传闻，他坦言也怕众混淆会看到厌，更留意到有观众看《你好，我的大夫》时，以为他会做手语，未离开《破毒强人》角色徐安乐的氛围。
他说：“唔好话观众，拍摄两套剧时，时间有重叠，造型差唔多，都係木口木面乖仔、戆居仔感觉，就好似何广沛做嚟做去都係咁嘅样，唔好玩啦！一个哑巴一个木独，演法同角色性格都差好远，徐安乐係自卑内向嘅人，唔知自己想要乜，《你好，我的大夫》角色辜清劲，虽然喜怒哀乐好少，但係好有主见，好清楚自己想要乜，就是太清楚自己想要乜，所以唔理其他人点谂，大家细心睇落，演绎完全不同。”
去年何广沛有份演出《回归》后，相隔1年没有他演的剧集播出，甫出便接连播两套，他说：“如果《新闻女王》成为今年台庆剧，下半年合共就有3套剧，整整1年冇剧出，好多人以为我冇剧拍，其实拍咗好多，被观众误解我被雪藏或弃用，要出嚟解释，但播出时又会话套套都係我，一定係获公司力捧，又要再解释，其实我平均1年都拍两套剧。”
虽然被指获力捧今年得奖呼声高，不过他表示自2018年获颁“飞跃进步男艺员”奖后，已没想过奖项的事，他说：“当然知道《破毒强人》哑巴角色，会係攞奖热门人选，呢个角色难演，演得好而且观众受落当然开心，但对于奖项都係平常心，我宁愿想观众讚演得好，好过话我攞到奖却唔抵畀，听到真正好评会开心啲。”
何广沛过往不爱谈及拍拖或谈婚论嫁话题，但早前公开认爱，他扬言盼成家立室：“可能心态唔同咗，所以选择公开，人生去到某个阶段，自然会成长，有唔同睇法同转变。”
对于结婚计划，他坚持要先做到事业稳固，他说：“当演员好矛盾，拍完剧突然间就会有一股空虚感呈现，唔知道未来有乜嘢工作时，都会好慌，就算做到现在已经第10年都好，呢种不安全感依然有，问我几时踏入人生另一阶段，真係好难讲，就算想，都要有能力做到先得，除非好安稳，畀到另一半一个家嘅感觉。”
